Abel Kraamsaal » Fotos

Wees paraat my maat

abie — Fri, 12 Mar 2010 09:09:58 +0000

So daag die aand op, soos ‘n opgewonde tiener met heelwat meer as sy selfoon in sy sak. Reg vir die aand se gebeure, so reg dat jy jou eie hartklop duidelik kan hoor. Die band is vetgesmeer en die opwinding oorheers al wat neuron is. Emile Minnie, die kroonprins van klavier speel daar doer in Die Boer teater restaurant en ek hoor die fyn geplof van sy vingers op die klawers. Ek is naar soos ‘n straatkat van afwagting. Vir die eerste keer in ‘n baie lang tyd het ek weer ‘n band onder my vlerke en nie sommer enige band nie.

Ons betree die verhoog. Wayne en Noddy neem stelling in. Emile is reeds in posisie. Soos ‘n wonderlike droom gaan die aand verby en ek kan min detail onthou. Niks te doen met te veel rooiwyn of tequila nie. Alles te doen met die euforia van die aand. Die energie was net reg…die gehoor was net reg. Die klank was net reg. En die emosie was net reg.

Die Afstand Tussen Tyd is bekend gestel aan die Kapenaars. En dit was net die begin…

Die nuwe cd cover

abie — Sat, 06 Feb 2010 05:38:40 +0000

Drie jaar se grawe om die songs uit te kry, drie jaar se wag vir die inspirasie om my om my enkels te vat en my kop teen die muur te slaan…die wag was die moeite werd…hier is hy nou…behoort in jou naaste cd winkel te wees voor einde Februarie.

Blomkind

abie — Fri, 29 Jan 2010 08:49:59 +0000

Die Blomkind musiekvideo is klaar geskiet. Hier’s ‘n paar foto’s van dag een se scenes. Daar volg nog aand foto’s en vanoggend vroeg se strand foto’s…

Nuwe cd

abie — Thu, 17 Dec 2009 09:09:25 +0000

Die nuwe cd se details sal vroeg in die nuwe jaar op die site gesit word. Ons is klaar in die studio en die finale mixing word tans gedoen. Sodra ons gelukkig is met die mix, dan gaan hy Stellenbosch toe vir die mastering proses vanwaar ons hom mooi netjies in sy boksie verpak en rakke toe bring vir julle luistergenot. Hou die spasie dop vir updates oor die vordering.

Intussen het ons ‘n lieflike sponsor gekry, Hoodoo Tattoos. Die tattoo kunstenaars in briljant en as jy jouself in die Kaap bevind en jy brand vir ‘n bietjie ink, maak ‘n draai by die “Eden on the Bay Mall” in Big Bay, Bloubergstrand. Hulle is ook die offisiële verskaffers van Art Matthews van Just Jinjer se ink.

Dag een van nuwe album recordings

Rohan — Mon, 07 Dec 2009 21:32:45 +0000

Aan die begin

Rohan — Sat, 05 Dec 2009 10:18:12 +0000